Gjykata e Apelit për Krime të Rënda dha sot masën e sigurisë arrest me burg për gjyqtaren e Lezhës Parashqevi Ademi.
Duke lënë në fuqi vendimin e shkallës së parë, gjykata vendosi arrest me burg për Ademin, e cila u arrestua në flagrancë së bashku me avokatin Gjovalin Ndokaj teksa i merrnin 200 mijë lekë ryshfet klientit të tyre.
Në momentin e arrestimi gjyqtarja dhe avokati ndodheshin në gjykatën e Lezhës. Mbi Ademin rëndon akuza e korrupsionit.