Policia e Krujës ka zbuluar dhe asgjësuar sot rreth 1050 bimë narkotike në fshatin Nikël. Në sajë të operacionit antidrogë i koduar “Verjon 2015” është arrestuar shtetasja Lumturije Disha, 44-vjeçe.
Sipas policisë së Krujës bima kanabis sativa ishte kultivuar në 11 parcela dhe është asgjësuar menjëherë.
Efektivat e Komisariatit të Policisë Krujë po punojnë intensivisht për sqarimin e mëtejshëm të rrethanave.