Policia e Durrësit ka arrestuar një 19-vjeçar pasi është kapur në flagrancë me një sasi të vogël lënde narkotike.
Sipas policisë, Klevis Gjatës i është gjetur poshtë banakut, në një lokal bastesh sportive në hyrje të Shijakut, një sasi prej 6 gramë kokainë.
Përveç arrestimit të tij, efektivët sekuestruan edhe kokainën në cilësinë e provave materiale.
Mbi të riun rëndon akuza e prodhimit dhe shitjes së lëndëve narkotike dhe përshtatje e lokalit për përdorim droge.
Ndërkaq, u shpall në kërkim shtetasi R. F, 25 vjeç, në akuzën e organizimit të lotarive të palejuara dhe përshtatje të lokalit për përdorim droge.