Dy vëllezërit Markelian dhe Klevis Doçi po hetohen edhe për vrasjen në Holandë

Kronikë e zezë

Dy vëllezërit Markelian dhe Klevis Doçi po hetohen edhe për vrasjen në Holandë

Më: 29 maj 2015 Në ora: 19:02

Dy vëllezërit Markeljan dhe Klevis Doçi njëherazit nipat e viktimës Mentor Lufi po hetohen edhe për vrasjen e Durim Sulkut në Roterdam të Holandës.

ABC News ka mësuar se Prokuroria për Krime të Rënda krahas akuzës për vrasjen e Besnik Sulkut pasditën e së mërkurës në Tiranë, ndaj dy ëllezërve Doçi ka ngritur dyshime, se janë ata autorët e ekzekutimit në holandë. Kjo për faktin se nga verifikimet e kryera në sistemin TIMS, rezultojnë se të dy vëllezërit Doçi me datë 6 prill ndodheshin jashtë terrirorit shqiptar dhe mendohet se janë ata ekzekutorët e Sulkut në një nga parkingjet e Roterdamit.

Pritet që në ditët në vazhdim, prokuroria t’i drejtojë autoriteteve të drejtësisë holandeze një kërkesë duke kërkuar gjurmët e mundshme të gishtave apo ndonjë provë tjetër të gjetur në vendin e vrasjes së Durim Sulkut.

Hetuesit thonë, se me ngritjen e këtyre dyshimeve dhe ngjarjes së ndodhur në bulevardin Zogu i Pare, prokuroria ka ngritur akuzën e vrasjes për gjakmarje në bashkpëunim ndaj dy vëllezërve Markelian dhe Klevis Doçi.

Me ndihmën e ekspertëve të Policisë Shkencore është provuar se Markelian Doçi me këtë pistolet që shihni në foto e ka vrarë atentatorin Besnik Sulku. Ndërsa në rolin e shoferit të makinës Tuareg, Klevis Doçi e ka goditur me makinë italianin Salvatore Letizzia dhe më pas ka tentuar të ndjek atentatorin tjetër Sulku, të cilin në ndjekje e sipër e ka qëlluar me armë Markelian Doçi, duke e lënë të vdekur. Hetuesit thonë se dy vëllezërit kanë dhënë shpjegime të hollësishme duke treguar dhe pranuar veprimet e tyre në mbrojtje të xhaxhait të tyre, tashmë të vrarë Mentor Lufi.

Akuzën e “vrasjes për gjakmarrje” në bashkëpunim mësohet se Prokuroria e ka ngritur edhe për italianin Salvatore Letizzia. Hetuesit thonë se kjo është pistoleta me të cilën Letizzia ka qëlluar në drejtim të dy viktimave Mentor Lufi dhe Gert Goxhaj, e provuar kjo edhe nga ekspertët e policisë shkencore të cilët në krahët e italianit kanë fiksuar gjurmë të mbetjeve të barutit.

rahas kësaj prove, prokurorët thonë se gjatë kontrollit fizikë në xhuboksin e italianit është gjetur edhe fotoja e viktimës Mentor Lufi. Ndërsa një nga kamerat e sigurisë në zonë, e kanë fiksuar italianin duke mbushur pistoletën pak sekonda para ekzekutimit Lufit dhe Goxhajt. Hetuesit mësohet se kanë gjetur edhe motorrin me të cilin dy atentatorët kishin shkuar pranë vendit ku kryen atentatin e pasditës së mërkurë.

Paraditen së shtunës, tre të arrestuarit, italiani Salvatore Letizzia dhe dy vëllezërit Markelian dhe Klevis Doçi do të dalin para Gjykatës së krimeve të rënda, ku prokuroria ka kërkuar caktimin e masës së sigurisë “arrest me burg” deri në përfundim të hetimeve.

Sot mund të lexoni Shfletoni kopertinat