Një 39 vjeçar ka humbur jetën dhe një tjetër është lënduar rëndë në një aksident që ka ndodhur sot në rrugën rajonale Skenderaj – Komoran, përkatësisht në fshatin Polac.
Ngjarja siç mëson KosovaPress ka ndodhur rreth orës 09:35.
Sipas hetimeve të para në vendin e ngjarjes dyshohet se deri tek aksidenti të ketë ardhur si pasojë e humbjes së kontrollit ndaj automjetit nga ana e drejtuesit – viktimës, i cili në rrethana ende të panjohura del jashtë rrugës.
I lënduari i cili ka qenë pasagjerë është dërguar për tretman në Qendrën Kryesore Familjare në Skenderaj, ndërsa më pas është dashur të dërgohet në QKUK. Raportohet se i lënduari është jashtë rrezikut për jetë.
Viktima siç thonë disa burime të KosovaPress-it është me profesion polic por që në aksidentin e përfshirë ai ka qenë i veshur me rroba civile dhe jashtë detyrës. Trupi i viktimës është dërguar për obduksion.
