Ndezja e një zjarri pranë një reparti ushtarak në Tiranë i ka rrezikuar jetën një të riu.
Një 20-vjeçar nga Tirana, ka mbetur i plagosur në këmbë nga katër fishekë që kanë shpërthyer si pasojë e zjarri që ai kishte ndezur pranë një reparti ushtarak teksa po ruante bagëtitë.
20-vjeçari Vullnet Xhani u dërgua me urgjencë në spitalin e Traumës në kryeqytet ku po merr trajtimin e nevojshëm mjekësor.
Ndërsa policia e Tiranës ka nisur hetimet për zbardhjen e plotë të ngjarjes, dhe kontrollin e zonës.