Policia e Fierit ka arrestuar sot një 25-vjeçar të shpallur në kërkim për armëmbajtje pa leje.
Shtetasi Markeljan Muçaj, 25 vjeç, banues në Fier, u arrestuar me urdhër të Prokurorisë së Fierit.
“Prokuroria e Rrethit Gjyqësor Fier, me shkresë nr. 1704 datë 19.02.2015, ka urdhëruar ndalimin e shtetasit Markeljan Muçaj për veprën penale "Mbajtje pa leje e armëve luftarake", vepër kjo e parashikuar nga neni 278/4 i Kodit Penal.
Materialet shtesë në ngarkim të këtij shtetasi i kaluan Prokurorisë pranë Gjykatës së Shkallës së Parë Fier për veprime të mëtejshme.
