Një person i dyshuar për arsye të panjohur ka sulmuar me thikë viktimën, duke i shkaktuar lëndime trupore.
Ngjarja ka ndodhur dje rreth orës 12:15 në rrugën “Skënderbeu” në Mitrovicë, me ç’rast viktima ka pësuar lëndime dhe është dërguar për trajtim mjekësor në Qendrën Klinike Universitare të Kosovës në Prishtinë.
Bëhet e ditur se njësiti policor pas një pune hetimore, ka identifikuar dhe arrestuar të dyshuarin, i cili është i mitur.
Me urdhër të prokurorit i dyshuari dërgohet në mbajtje.