Policia e Kosovës ka njfotuar se mbrëmë rreth orës 21:00 ka ndodhur një aksident trafiku në të cilin ishin të përfshira tri vetura, me ç'rast janë lënduar tetë persona.
I dyshuari mashkull K-shqiptar derisa ishte duke drejtuar veturën, nga pakujdesia ka shkaktuar aksidentin.
Të lënduarit për shkak të lëndimeve janë dërguar për tretman mjekësor në QKUK dhe gjendja e tyre sipas mjekëve është e rëndë. Lidhur me rastin është njoftuar edhe prokurori dhe rasti shkon në procedurë të rregullt.