Paraditen e sotme në spitalin e Shijakut ka shkuar një i ri, i plagosur me armë zjarri. Sipas të dhënave, i plagosuri është identifikuar si shtetasi J.V., 28 vjeç, banues në fshatin Katund Sukth.
Gjendja shëndetësore e tij paraqitet serioze, e për pasojë ai vijon që të mbahet nën kujdesin e mjekëve. Ende nuk dihen rrethanat e ngjarjes apo identifikimi i personit që ka kryer plagosjen. Grupi hetimor po punon për dokumentimin e plotë të ngjarjes.