Vret me thikë dhe kazmë babanë e tij në banesë, arrestohet 46-vjeçari, Simon Prifti. Ngjarja ka ndodhur mbrëmjen e djeshme në qytetin e Tiranës.
Sipas policisë Simoni pas një sherri të ashpër i ka marrë jetë babait të tij 82-vjeçar, Piro Prifti. Autori i ngjarjes është arrestuar dhe marrë në pyetje nga grupi hetimor.
Në cilësinë e provës materiale policia ka sekuestruar një thikë dhe një kazmë, që dyshohet se Simoni e ka përdorur në kryerjen e krimit. Çështja do kalojë për hetime të mëtejshme në Prokurorinë e Krimeve të Rënda, Tiranë.