Një person ka vdekur në fshatin Beqguncë të komunës së Vitisë si pasojë e një zjarri.
“Raportohet se për shkaqe të panjohura është përfshirë nga zjarri një shtëpi e pabanuar, në të cilën kishte ushqim për bagëti. Si pasojë e zjarri ka ndërruar jetë viktima mashkull K-Shqiptar, i cili në momentin e shpërthimit të zjarrit ndodhej në shtëpi”, thuhet në raportin e Policisë.
Vdekjen e viktimës e ka konstatuar mjeku kujdestar në vendin e ngjarjes. Me urdhër të prokurorit trupi i pajetë dërgohet në IML për obduksion./BS