Një 25-vjeçar nga Malësia e Madhe përfundoi në pranga, pas kërcënimit të vazhdueshëm që i ka bërë ish-të dashurës. I riu i bënte shantazh duke i thënë se, nëse nuk pranonte të rilidhej me të, do t’i publikonte fotot intime në internet.
Sipas Policisë së Shkodrës u arrestua shtetasi Ardit Gavoçeja, 25-vjeç, banues në fshatin Kamicë, Malësi e Madhe.
“Ai i ka bërë presion psikologjik të vazhdueshëm, (pasi ka qenë ish – i dashuri) shtetases 21-vjeçare banuese në Puke (studente), se do të hedhë disa foto intime në internet”, njofton policia.
Mësohet se i riu e ka ndjekur në mënyrë të vazhdueshme nëpër qytetin e Shkodrës, me automjetin tip “Mercedes Benz” me Targë AA 372 HX, në formë presioni e kërcënimi.
Denoncimi është bërë nga vetë vajza, e cila ka rrëfyer në polici për situatën, duke fajësuar ish-të dashurin.