Një granatë tymuese u gjet mesditën e sotme në rrugën “Kahraman Ylli” në zonën e Porcelanit në Tiranë.
Granata u gjet nga një efektiv policie, i cili njoftoi organet kompetente. Pas konstatimit të rrezikut, u bë rrethimi i menjëhershëm i zonës.
Në vendngjarje mbërritën ekspertët xhenierë të cilët morën granatën për ta dërguar në laborator. Në të njëjtën kohë policia nisi punën për zbardhjen e rrethanave të plota të kësaj ngjarjeje.