Në Vushtrri, është gjetur pa shenja jetë një person rreth 75 vjeçar, për të cilin policia ka filluar hetimet duke e klasifuar rastin si vrasje e rëndë.
Dje rreth orës 16 e 30 , viktima V. B nga Vushtria është gjetur pa shenja jete nga motra e tij , që kishte shkuar ta vizitonte , meqë ai jetoni i vetëm.
Zëdhënësi i policisë për rajonin e Mitrovicës, Avni Zahiti, i tha Bota sot “ se pas paraqitjes së rastit nga motra e viktimës , njësitet policore së bashku me ekipin emergjent të QKMF-së në Vushtrri kanë shkuar në vendin e ngjarjes, dhe nga mjeku është konstatuar vdekjen e viktimës, por mbi trupin a pajetë janë vërejtur shenja dhune si dhe gjurmë gjaku.
“ Duke u bazuar në rrethanat e vendit të ngjarjes dhe gjurmët të gjetura në trupin e viktimës, hetuesit e njësisë rajonale kanë nisur hetimet në vendin e ngjarjes, nën autorizimin dhe prezencën e prokurorit, dhe rasti është klasifikuar si “Vrasje e rëndë”, ndërsa trupi i viktimës është dërguar në Institutin e Mjekësisë Ligjore për obduksion. Nuk mund të them asgjë për pistat e hetimit, meqë hetimet janë në fazën fillestare”, tha Zahiti për Bota sot.