Efektivët e Krimit Ekonomiko- Financiar në Lezhë kanë bërë procedim penal ndaj kryeregjistruesit në Z.V.R.P, pasi nuk kishte caktuar kufijtë e dy shtetasve të tjerë.
Ndue V. 53 vjeç, banues në lagjen “Beslidhja”, ka regjistruar tokat e shtetasve P. B., dhe P. M., banues në Tale, duke mos ju përcaktuar kufijtë e pronave.
Gjithashtu ka nisur procedimi penal ndaj shtetasit Sandër S., 46 vjeç, banues në Gjadër, pasi dyshohet se ka falsifikuar hartat topografike, si dhe aktin e marrjes së tokës në pronësi, duke përvetësuar kështu një rrugë të përbashkët me shtetasin N. Z., banues në Blinisht.
