Dy të rinj janë arrestuar paraditen e sotme në Tiranë nga policia, pasi u kapën në flagrancë teksa i ofronin ryshfet punonjësve të Policisë Rrugore.
Efektivët e Policisë Rrugore në bashkëpunim më Seksionin e Krimit Ekonomiko-Financiar, kanë arrestuar 31-vjeçarin Lindor Ahmetaj, lindur në Skrapar dhe banues në Tiranë.
Ahmetaj i ofroi një shumë prej 1 mijë lekësh një efektivi të Policisë Rrugore, duke konsumuar veprën penale të, “korrupsionit aktiv ndaj personave që ushtrojnë funksione publike”.
Për të njëjtën vepër penale është arrestuar edhe 28-vjeçari nga Mati, Edison Cukali.
Cukali tentoi t’i jepte 2 mijë lekë të reja policit rrugor, pasi kishte kaluar semaforin me dritë të kuqe.
Dosjet e dy rasteve në fjalë janë dërguar nga policia në prokurori për hetime të mëtejshme.
