Policia e Tiranës ka shpallur në kërkim sot shtetasin Mark Shpendi, pasi dyshohet si anëtari i dhjetë i bandës së “Babagjyshërve”.
Emri i Shpendit ka dalë marrjes në pyetje të anëtarëve të tjerë që dyshohen për një sërë vjedhjesh.
Ndërkohë kujtojmë që dy ditë më parë, të shtunën, policia arrestoi pjesëtarin e nëntë, Edmond Selala.
Banda e “Babagjyshëve” është një grup i strukturuar kriminal me qëllim grabitjen. Organi i akuzës ka arritur në konkluzionin se numri i personave të implikuar në këtë bandë është 13, nga 8 persona që dyshoheshin fillimisht.
Policia ra në gjurmët e tyre gati 1 vit pasi grabitën një argjendari në një qendër tregtare, duke përfituar nga veshja e babagjyshit të Vitit të Ri.
Autoritetet shqiptare kanë shpallur në kërkim Fatmir Pjetrin, 28 vjeç, banues në Tirane, i dënuar më parë në Greqi për vjedhje me dhunë dhe armë; Dritan Kolën, 36 vjeç, banues në Shkodër, i dënuar në Greqi për vjedhje me dhunë dhe armë; Saimir Kalën, 31 vjeç, banues në Kurbin.
Ndërsa një nga pjesëtarët e këtij grupi kriminal, Artur Tafani, është vrarë në muajin korrik 2014 në Dibër të Madhe gjatë grabitjes me armë të dy argjendarive.
