Policia italiane ka arrestuar një 43-vjeçare shqiptare pasi është kapur teksa vidhte në një supermarket në komunën e Formias, në Lacio.
Shqiptarja me inicialet K.M, banuese në Formia, akuzohet për veprën penale “Vjedhje e rëndë”.
Gruaja u ndalua pa dalë nga supermarketi, pasi u kap në flagrancë me një sërë produktesh. Pasi i kishte hequr sistemin e alarmit, ajo kishte arritur të vidhte një sërë produktesh me vlerë 650 euro.
Pasi i ka vënë prangat, policia i ka sekuestruar të gjithë produktet duke ia rikthyer supermarketit.
Ndaj asaj, gjykata ka dhënë përkohësisht masën e arrestit shtëpiak, në pritje të një vendimi përfundimtar.
