Një tragjedi ku humbi jetën një 11-vjeçare ka tronditur fshatin Haraçinë të Shkupit.
Fjolla S., banuese e fshatit, po kthehej nga shkolla kur u përplas për vdekje nga dy makina në lëvizje.
Ngjarja e rëndë ndodhi dy ditë më parë, në rrugën kryesore mu përpara objektit të shkollës ku Fjolla ishte nxënëse, njofton Zhurnal.
Teksa ajo po kalonte rrugën, u përplas nga një makinë “Golf” e drejtuar nga A.B. Nga forca e goditjes, Fjolla do të rrëzohej në korsinë ku lëviznin makinat në drejtim të kundërt.
Si për ironi të fatit, një tjetër makinë “Golf” e drejtuar nga I.V do të vinte me shpejtësi dhe do të shtypte 11-vjeçaren.
Si pasojë e dëmtimeve të marra, Fjolla ndërroi jetë rrugës për në spital.