SHBA- Një nënë e re u qëllua aksidentalisht për vdekje nga djali i saj 3-vjeçar, në kohën që ishte duke ndërruar pelenën e së bijës njëvjeçare.
Aksidenti i tmerrshëm, ndodhi pasi djali gjeti një pistoletë gjysmë-automatike dhe me një gjuajtje të vetme goditi për vdekje 26-vjeçaren Christa Engles në kokë, në shtëpinë e saj në Tulsa, Oklahoma.
Nëna e saj dhe bashkëshorti jetojnë në shtëpi në Tulsa, por nuk ishin në shtëpi në atë kohë. Burri i Engles-it, një shofer kamioni i cili ishte në rrugë, arriti në shtëpi dje në mbrëmje, pasi kishte dëgjuar për të shtënat, dhe konfirmoi vdekjen e gruas së tij.
"Gjyshja erdhi në shtëpi dhe i gjeti dy fëmijët të mbuluar në gjak", tha një fqinj që kishte qenë i pranishëm, sipas Mirror.
Policia konfirmoi se djali kishte gjetur një pistoletë nën divan, dhe bëri thirrje që të bëhet më tepër kujdes për sigurinë në shtëpi.