Policia e Tiranës ka shkatërruar një bandë hajdutësh, të cilët prej shtatë muajsh kishin kryer 31 vjedhje në kryeqytet.
Operacioni për arrestimin tyre është kryer ditën e martë, ndërsa në pranga kanë rënë 5 persona.
Të arrestuarit:
- Emro Mejdani, 19 vjeç, banues në Tiranë.
- Aleks. M., 17 vjeç, lindur në Fier dhe banues në Tiranë.
- Xhemal Akellaci, 27 vjeç, banues në Tiranë.
- Mersin Aliçka, 44 vjeç, lindur në Ersekë dhe banues në Tiranë.
- Luan Elezi, 50 vjeç, banues në Tirane.
Banda akuzohet për vjedhjen e një sërë banesash, kotorrave, biçikletave dhe çantave.
Arrestimi i tyre u krye nga Komisariati i Policisë Nr.3 Tiranë në bashkëpunim me Policinë e qytetit të Shkodrës.
“Ndalimi i këtyre shtetasve u bë për veprën penale të vjedhjes së kryer në bashkëpunim më shumë se njëherë, parashikuar nga neni 134/2 i Kodit Penal, pasi këta shtetas në bashkëpunim me njëri-tjetrin në kohë dhe vende të ndryshme të qytetit të Tiranës kanë kryer vjedhje të banesave, motorrave, biçikletave dhe çantave”, thuhet në njoftimin e policisë.
Policia ka sekuestruar në cilësinë e provës materiale 6 motorë të markave të ndryshme dhe pjesë motorike të veçuara. Materialit i kaluan Prokurorisë së Rrethit Gjyqsor Shkodër.
