Një 20-vjeçar, shpërndarës picash në Florida u arrestua për vrasje. Policia bëri me dije se ai kishte mbytur dhe goditur për vdekje shoqen e tij të dhomës dhe më pas kishte bërë seks me trupin e saj të pajetë.
Kur policia e mori në pyetje, Bryan Santana pranoi se e kishte vrarë 23-vjeçaren Shelby Fazio duke e mbytur atë pas shpine dhe duke e goditur në qafë. Sipas raportimit të policisë, ai pohoi se kishte kryer një akt seksual me trupin e saj të vdekur. 20-vjeçari e kreu vrasjen me paramendim, pasi kishte planifikuar të përdorte një armë të rreme, gjoja për të kryer vetëvrasje.
Ngjarja tragjike ndodhi mëngjesin e së martës në shtëpinë që ata e ndanin bashkë që prej 3 muajsh. Mësohet se ai planifikoi të shkonte të blinte një armë të rreme, por u kap nga policia para realizimit të planit, në një berberhane në Orlando.
Pronari i sallonit të flokëve tha për “Channel 9” se Santana kishte shkuar për të prerë flokët dhe po nxitonte, pasi i kishte thënë berberit se do të shkonte në kinema me një “vajzë seksi”. Hetuesit e skenës së krimit zbuluan një këmishë me gjak në garazhin jashtë shtëpisë.
Nga të dhënat e faqes së saj në ‘Facebook’, mësohet se zonjusha Fazio, një vendase nga Lapeer në Miçigan, ishte studente biologjie në Universitetin Shtetoror “Grand Valley” dhe punonte në një klab në plazh.
