Larje hesapesh, ekzekutohet në lokal me 4 plumba 41-vjeçari

Kronikë e zezë

Larje hesapesh, ekzekutohet në lokal me 4 plumba 41-vjeçari

Më: 30 tetor 2014 Në ora: 19:52

Një atentat ndaj një 41-vjeçari ka ndodhur sot në mbrëmje në Tiranë në zonë e Unazës së Re. I shënjestruari është qëlluar me katër plumba dhe ndodhet në vdekje klinike.

Nga të dhënat e para bëhet e ditur se drejt Krenar Hasanaliajt është qëlluar 4 herë me pistoletë.

Ngjarja ka ndodhur rreth orës 19:00, në zonën e Unazës së Re, ku burime për televizionin "A1 Report" bëjnë të ditur se 41-vjeçari me orgjinë nga Vlora ndodhet me vdekje klinike.

Autorët e kanë qëlluar nga motori 41-vjeçarin i cili ndodhej në një nga lokalet e zonës dhe më pas janë larguar në drejtim të Mzezit.

Nga të dhënat e para të policisë, ngjarja dysohet të ketë ndodhur për larje hesapesh, ndërsa nga dëshmitë e qytetarëve mësohet se kanë qenë dy atentatorë të cilët po lëviznin me motor.

Policia ka mbërritur menjëherë në vendin e ngjarjes, dhe ka nisur punën për identifikimin dhe arrestimin e autorëve si dhe zbardhjen e plotë të rrethanave të ngjarjes. Ndërkohë mësohet se janë ngritur 8 postblloqe me forca speciale në rrugët hyrëse të kryeqytetit, në Unazën e Re, në zonën e Komunës së Parisit si dhe në autostradën Tiranë-Durrës.

Sot mund të lexoni Shfletoni kopertinat