Një banesë në Mamurras është përfshirë nga flakët, si pasojë e luhatjes së tensionit, por pa shkaktuar të lënduar. Ngjarja ka ndodhur në orët e para të mëngjesit të sotëm, në banesën e shtetasit Pal Blezhi, me 6 anëtarë, 4 prej tyre ishin fëmijë.
Zjarrfikëset kanë mbërritur menjëherë në vendin e ngjarjes, por infrastruktura rrugore e ka bërë të pamundur ndërhyrjen, ç'ka ka bërë që banesa të shkrumbohet totalisht.
Ndërkaq policia po vazhdon hetimet e mëtejshme për zbardhjen e plotë të rrethanave në të cilat ka ndodhur ngjarja.