Shtëpia e një shtetasi është grabitur nga tre persona të armatosur. Ngjarja ka ndodhur në fshatin Balldre, rreth orës 05:00 të mëngjesit të sotëm.
Autorët kanë arritur të grabisnin nga shtëpia e Luigj Prekës, disa bizhuteri me vlerë. Mësohet se tre grabitësit kanë dhunuar edhe një grua.
Policia ka arritur të gjejë makinën e braktisur të tre grabitësve, rreth 2 km larg fshatit Balldre.
Ndërkohë efektivët e policisë vazhdojnë hetimet për zbardhjen e ngjarjes dhe për identifikimin e autorëve.