Një shkëmbim zjarri është regjistruar mbrëmjen e së mërkurës në qytetin e Shkodrës, por fatmirësisht nuk ka pasur viktima.
Sipas burimeve lokale, mësohet se ngjarja ka ndodhur në aksin Shkodër-Lezhë, ku persona të paidentifikuar që udhëtonin më një makinë tip “Audi”, kanë qëlluar me armë zjarri drejt një makine tip “Benz”, ngjyrë e bardhë, e cila drejtohej nga shtetasi K.P, 40 vjeç.
Në makinë me 40-vjeçarin ndodhej edhe shtetasi N.R., 46 vjeç nga Malësia e Madhe, ndërsa nga të shtënat fatmirësisht nuk pati të lënduar. Autorët janë larguar në drejtim të paditur, ndërsa policia ka nisur punën për zbardhjen e rrethanave të plota të ngjarjes.