Një tmerr tjetër është shënuar këtë të martë në Indi, ku një vajzë 3 vjeçare është përdhunuar mizorisht nga një person i panjohur.
Vajza e moshës tre vjeçare e cila frekuentonte një shkollë private në “Orchid International School” të Bangalore, në shtetin e Karnataka, është përdhunuar nga një mashkull i panjohur deri më tani.
“Ne kemi regjistruar një çështje penale të martën vonë në një ankim të babait të viktimës se vajza e tij e re ishte abuzuar seksualisht në ambientet e “Orchi International Schol”, tha policia. “Ne jemi duke kontrolluar pamjet e kamerave të sigurisë të instaluara në shkollë dhe kemi marrë në pyetje të gjithë stafin e shkollës”, thonë nga policia.
Ky incident i abuzimit seksual në një shkollë të qytetit ka ndodhur pothuajse pas tre muajve, pasi një vajzë gjashtë-vjeçare ishte dhunuar nga dy instruktorët e palestrës brenda ambienteve të një shkollë private në Bangalore në 3 korrik.
