Dy mësuese të shkollës fillore në Scarmagno u pezulluan nga puna, pasi u akuzuan nga prindërit për keqtrajtimin e fëmijëve të klasës së tretë. Historia e këtyre dy mësueseve nuk ka ndezur debat për abuzimin ndaj fëmijëve, por për mënyrën se si ato u kërkonin fëmijëve që të përgjigjeshin për tema absurde, të tipit: “Kë do të vrisnit më parë, mamin apo babin”.
Ankesa e prindërve të shqetësuar nga rrëfimi i fëmijëve në shtëpi, bëri që prokurori të niste një hetim duke vendosur kamera në klasë, pranverën e kaluar për të ndjekur sjelljen e mësueseve.
Nga filmimet është parë se janë trajtuar dhe tema të tilla si ajo e seksit, ku dy mësueset flisnin me fraza të tilla si: “Seks është edhe kur babai yt ndalet në rrugë për prostituta, ose kur mamaja juaj bën dashuri me burra të tjerë”.
Dy mësueset u pezulluan menjëherë, ndërkohë që pritet t'u jepet mundësia për të dhënë shpjegimet e tyre, për atë çfarë ka ndodhur. Lajmi ka bërë bujë në mediet italiane.
