Shkoi në pyll për të prerë dru për dimrin, por nuk u kthye më në shtëpi. Ky është fati tragjik i një 57-vjeçari nga Korça që u zu poshtë nga një pemë që po priste.
Ngjarja ka ndodhur mëngjesin e ditës së sotme në fshatin Bofje, të qarkut Korçë.
Sipas medieve lokale, 57-vjeçari është zënë poshtë nga një pemë që e ka prerë dhe kjo siç duket i ka shkaktuar atij vdekjen e menjëhershme.
Ai është identifikuar si G. Corbashi. Policia ka shkuar në vendin e ngjarjes për zbardhjen e saj të plotë.