Kishte mbetur shtatzënë pa dëshirën e saj, partneri e braktisi, ndërsa prindërit e saj nuk e dinin që ajo ishte shtatzënë.
Me të lindur foshnjën, Alexandra Olary e mbyti me jastëk, kurse trupin e foshnjës e dogji në stufën me drunj.
Adoleshentja që është vetëm 17 vjeç, nuk i kishte treguar askujt që ishte shtatzënë, por një ditë më vonë, ju tregoi shoqeve se çfarë kishte bërë.
“Menduam se ishte një shaka e pakripë, por kur ajo filloi të zbuloj detaje, vërejtëm që ka diçka të vërtetë” ka thënë shoqja e saj Iona Bibesco, e cila ka njoftuar kujdestarin e klasës për këtë rast.
Ky i fundit ka kontaktuar policinë në qytetin Gorj të Rumanisë, të cilët kanë shkuar menjëherë në shtëpinë e familjes Olary.
I zoti i shtëpisë Marcel Olari nuk ka qenë në dijeni se vajza e tij ka bërë një gjë të tillë, ndërsa është befasuar nga prania e policisë.
“E dinim që ajo ka pasur një të dashur, mirëpo pasi u ndanë nuk e dinim se ajo është shtatzënë” ka thënë babai i adoleshetes.
Për shkak të veprimit të saj, Alexanda i është nënshtruar një testi psikologjik dhe psikiatrik, ndërsa nëse rezulton se ajo është mentalisht në rregull, mbi të mund të rëndoj dënimi me burg të përjetshëm.