Një autobus urban sot u rrokullis në periferi të Shkupit, si pasojë e lagështisë së rrugës nga reshjet e mbrëmshme të shiut.
Aksidenti ka ndodhur rreth orës 6:10, me ç`rast autobusi i linjës 67 që lëviz nga Qendra e Transportit – Zelenikovë, ka dalë nga rruga.
Gjatë fatkeqësisë disa udhëtarë janë lënduar, por sipas të dhënave të para, nuk ka udhëtarë me lëndime më serioze.
Ekipet policore kanë kryer ekspertizë në vendin e ngjarjes. Informata më të hollësishme do të kumtohen gjatë ditës. (INA)