Një aksident i rëndë automobilistik me pasojë vdekjen e një personi dhe plagosjen e tre të tjerëve ka ndodhur paraditen e sotme në aksin Çorovodë-Dervë.
Makina me të cilën udhëtonte viktima së bashku më 3 të plagosurit e tjerë doli nga rruga duke përfunduar në humnerë me rreth 100 metra lartësi.
Si pasojë gjeti vdekjen Neki Elezi dhe mbetën të plagosur miqtë e tij, Ardit Hoxha, Bardhi Hysi, dhe një tjetër person identiteti i të cilit nuk dihet ende.
Mësohet se Bardhi Hysi është transportuar me helikopter drejt Spitalit të Traumës pasi gjendja e tij shëndetësore paraqitet e rëndë.
Ndërkohë, efektivët e policisë të mbërritur në vendngjarje kanë nisur hetimet për zbardhjen e shkaqeve të këtij aksidenti të rëndë.