Disa të shtëna me armë në qytetin e Lezhës kanë plagosur rëndë një 38-vjeçare pasditen e sotme.
Teksa kalonte në afërsi të një kompleksi shkollash, Lindita Gjoka ka mbetur e plagosur aksidentalisht, pasi sipas dyshimeve paraprake nga ana e policisë, autorët e krimit kanë pasur një tjetër objektiv.
38-vjeçarja e plagosur është dërguar në spitalin rajonal të Lezhës, nga ku raportohet se është jashtë rrezikut për jetën.
Ndërkohë, efektivët e policisë po punojnë për kapjen e autorit dhe zbulimin e objektivit të atentatit.
