Një biznesmen është qëlluar me armë në qytetin e Vlorës pak minuta më parë. Ngjarja ka ndodhur në vendin e quajtur “Skelë”.
Sipas policisë në shënjestër ka qenë Arben Veliko. Biznesmeni 48-vjeçar ka mbetur i plagosur dhe ndodhet në Spitalin e Vlorës.
48-vjeçari ka marrë dy plumba një në këmbë dhe një në bark dhe ndodhet jashtë rrezikut për jetën.
Veliko, është biznesmen ndërtimi nga qyteti i Fierit. Arben Veliko u dënua me një vit e dy muaj burg pak vite më parë.
Veliko gjithashtu është arrestuar edhe 10 vjet më parë me akuzën e trafikut të drogës.
Emri i këtij biznesmeni është shumë i njohur nga policia pasi është konsideruar si një person i rëndësishëm në organizimin e trafikut të lëndëve narkotike në qytetin e Vlorës.
Veliko ka qenë i burgosur dhe në Greqi.