Një person mësohet të ketë mbetur i plagosur me thikë nga një tjetër, sot në kryeqytet pas një zënke mes tyre.
Ngjarja ka ndodhur pranë tregut elektrik, mëngjesin e sotëm, mes dy drejtuesish taksie, të cilët për motive banale janë konfrontuar me thika, duke sjellë plagosjen e njërit prej tyre.
I plagosuri është dërguar menjëherë në spitalin e Tiranës, nga ku mësohet se është jashtë rrezikut për jetën. Ende nuk dihet identiteti i tij, ndërkohë që policia ka mundur të arrestojë autorin e plagosjes, Sajmir Vejsian.