Një 49-vjeçar u qëllua me armë zjarri mbrëmjen e djeshme në Fier.
Ngjarja ndodhi në lagjen “29 nëntori” ku një person ende i paidentifikuar ka hyrë në lokalin e Jorgaq Kumes dhe ka qëlluar disa herë mbi këtë të fundit.
Një plumb i ka përshkuar pjesën e përparme të fytyrës duke i shkaktuar dëmtime serioze dhe një tjetër plumb e ka marrë në shpatull.
49-vjecari ndodhej i vetëm në lokal në momentin kur është qëlluar.
Kanë qenë të afërmit ata që e kanë gjetur 49-vjeçarin të plagosur dhe e kanë dërguar menjëherë në spital.
Motivet janë ende të paqarta ndërsa gjendja e tij vazhdon të jetë e rëndë.
