Ministri i Mirëqenies Sociale Erjon Veliaj ka reaguar sot për rastin e skandalit të Sarandë,s ku sekretari i deputetit Kokëdhima i kërkoi favore seksuale një gruaje, me vajzën e saj të mitur, një këmbim të një vendi pune.
Ministri Veliaj është shprehur se institucioni që ai drejton është vënë në lëvizje duke u kujdesur për fëmijët e Elvira Gegës, gruaja që denoncoi skandalin nëpërmjet një video përgjimi të regjistruar nga vetë ajo me sekretarin Agron Cane.
“Jemi kujdesur për fëmijët e gruas që denoncoi. Bashkia i ka lidhur një ndihmë ekonomike Elvira Gegës”, tha ministri.
Ai më tej ftoi të gjithë qytetarët t’i drejtohen për punësim vetëm zyrave të punës
“Qytetarët të shkojnë vetëm tek Zyrat e Punës. Qeveria reagoi shpejt për këtë rast, i akuzuari është tashmë pas hekurave”, tha Veliaj.
Më tej ministri krahasoi opozitën me një marmitë makine, që vetëm bën zhurmë e nxjerr tym, ndërsa për qeverinë tha se po punon si motor makine.
Këto deklarata u bënë gjatë inspektimit të një fabrikë mobilerie në Vlorë, e cila ka përfituar nga Fondi i Nxitjes së Punësimit 2014.