Trupat e njësisë operacionale RENEA si dhe Delta Force e qarkut të Vlorës kanë surprizuar jo pak një ditë më parë teksa kanë stimuluar operacionin për lirimin e pengjeve në një anije me pushues të marrë peng.
Operacioni stërvitor është realizuar me stimulimin e ngjajres, ndërsa të pranishëm vec shumë forcave policore kanë qenë dhe qytetarët kureshtarë si dhe pushuesit të nodhur në plazh për sezonin turistik.
Për kryerjen e manovrave të shpëtimit është zgjedhur bregdeti i Jonit, ku forcat RENEA dhe Delta Force ndërhyjnë në këtë anije turistike që ju shihni në pamje.
Operacioni stërvitor është ndjekur dhe nga vetë Drejtori i Përgjithshëm i policisë së shtetit Artan Didi, ndërsa sipas planit stërvitorë pritet që stërvitje të tilla të jenë më të shpeshta për të arritur një performancë të lartë të trupave policore.
