Vlorë - Një person është rrëmbyer me dhunë mbrëmjen e sotme rreth orës 11:30 në fshatin Peshkëpi të komunës Vllahinë në qytetin e Vlorës.
Katër persona, të cilët mendohet të jenë nga Korça, e kanë rrahur dhe më pas e kanë marrë peng atë. Mendohet se shkak i ngjarjes është një borxh i vjetër.
Policia ka shoqëruar autorët për në komisariat dhe ka liruar personin e marrë peng. Gjithashtu po punohet për zbardhjen e plotë të ngjarjes.