Policia e Tiranës ka arrestuar një person të dyshuar si autor të vrasjes së 27 –vjeçarit Andi Peqini, mbrëmë në rrugën Kavajë – Rrogozhinë.
I dyshuari është Elidon Avdyli.
Mësohet se ai ka qenë i dënuar më parë për armëmbajtje pa leje.
Por policia nuk bën të ditur lidhjen e tij me viktimën.
Andi Peqini u ekzekutua me armë zjarri teksa po udhëtonte me automjetin në rrugën kombëtare Kavajë – Rrogozhinë.
27 –vjeçari njihej si person me precedentë penalë dhe ishte i skeduar në Shqipëri dhe Itali, ku kishte jetuar për disa vite dhe kishte vetëm pak muaj që ishte kthyer.
Mësohet gjithashtu se ai ishte nën hetim edhe për pastrim parash.