Policia e Kosovës ka konfirmuar se në fshati Lloshkobare, të Ferizajit të dielën rreth 09:30 një person ka tentuar që t`i jap ryshfet një zyrtarit policorë.
“Është arrestuar i dyshuari mashkull K-Shqiptar pasi që i njëjti pasi ishte ndaluar nga njësiti policor për kundërvajtje në trafik, për mosshqiptim të tiketës i dyshuari u ka ofruar ryshfet zyrtarëve policorë 10 euro”, ka njoftuar Policia e Kosovës.
Ndërsa nga Njësiti i Krimeve Ekonomike është konfiskuar monedha.
Kurse me urdhër të prokurorit i dyshuari lirohet, rasti shkon në procedurë të rregullt. A.M
