Një shkëndijë elektrike ka shkrumbuar një shtëpi sot në fshatin Golem të Shkodrës, për të dytën herë radhazi në 2 muajt e fundit.
Në momentin e rënies së zjarrit në banesën e familjes Qukaj, ndodheshin vetëm 3 fëmijët e kësaj familje dhe bashkëshorti i cili është person me aftësi të kufizuara. Fatmirësisht ata nuk kanë pësuar lëndime, ndërkohë që dëmet materiale janë të konsiderueshme.
Ndërhyrja në kohë e zjarrfikësit, bëri që të shmanget një tragjedi, në këtë familje e cila po e vuan për të dytën herë pasojat dhe dëmet e shkaktuara, që kapin shifrën e miliona lekëve.
