Në rrethinat e Lazaratit është ndaluar një fuoristradë me një sasi të vogël marijuane e cila ishte gati për t'u transportuar. Policia ndaloi pronarin e automjetit, 23-vjeçarin me inicialet D.J. nga Vlora.
Ndalimi i fuoristradës u bë i mundur nga agjentët e Antidrogës në kuadër të aksionit antikanabis që vijon në fshatin e Lazaratit.
Automjetit i ishin hequr sediljet e pasme dhe brenda tij u gjet e shpërndarë sasia e marijuanës.
Ndërkohë policia po vijon kontrollet në rrethinat e komunës Lazarat.