Në raportin e Policisë së Kosovës thuhet se në Graçanicë, pas një mosmarrëveshje dhe nën ndikim të alkoolit, ka ardhur deri te një rrahje në mes të disa personave meshkuj serbë.
Si pasojë e rrahjes dy viktima meshkuj serbë marrin lëndime trupore.
Viktimat janë dërguar për tretman mjekësor. Rasti është duke u hetuar nga Policia.
Një rast tjetër ka ndodhur në Zubin Potok, ku ankuesi mashkull serb ka raportuar se bashkëshortja e tij-e dyshuara femër serbe, fillimisht e ka ofenduar e më pas edhe e ka sulmuar fizikisht, me ç’rast i njëjti ka pësuar lëndime trupore.
Viktima ka pranuar tretmanin mjekësor.
Edhe një rast tjetër ka ndodhur në pikën kufitare, Bërnjak, ku i dyshuari mashkull serb, me veturën e tij Golf III, gjatë kalimit në pikën kufitare, ka penguar personat zyrtarë.
I dyshuari është intervistuar dhe me vendim të prokurorit është liruar në procedurë të rregullt.
