1.82 ton marijuanë është gjetur ditën e sotme në bodrumin e një banese, gjatë aksionit antikanabis në Lazarat, nga forcat e Policisë së Shtetit.
Droga u gjet gjatë kontrollit të forcave të policisë në lagjen “Gjoka”, ku u zbulua 1.2 ton droge e presuar, e fshehur në bodrumin e një banese të vjetër, si dhe 620 kilogram rifuxho, jo e paketuar, e cila u asgjësua menjëherë nëpërmjet djegies.
Droga e presuar u sekuestrua nga policia në cilësinë e provës materiale. Ndërkohë, po vijojnë hetimet për identifikimin dhe kapjen e autorëve.