Një i vdekur dhe dy të plagosur është bilanci i një aksidenti të rëndë të ndodhur në segmentin rrugor Levan-Tepelenë.
Nuk dihen ende rrethanat e kësaj ngjarje, ndërsa të plagosurit janë transportuar me urgjencë në drejtim të spitalit, ndërsa personi që humbi jetën gjeti vdekjen e menjëhershme si rrjedhojë e përplasjes.
Nga të dhënat paraprake siç raporton Noa.al, mësohet se dy makina janë përplasur me njëra tjetrën, çka ka sjellë vdekjen e një personi dhe plagosjen e dy personave të tjerë që ndodheshin në dy mjetet e aksidentuara.
Më saktësisht thuhet se njëri nga mjetet tip furgon i ka plasur goma, duke bërë që të përplaset me një makinë tjetër dhe më tej të dalë nga rruga. Po ashtu bëhet e ditur se viktima dhe dy të plagosurit udhëtonin me automjetin tip furgon.
