Dy gra janë aksidentuar për vdekje mbrëmjen e sotme në qytetin e Korçës nga një automjet, i cili, pasi ka shkaktuar përplasjen, është larguar me shpejtësi nga vendi i ngjarjes.
Gratë ishin të moshuara dhe po kalonin rrugën në unazë.
Policia ka mbërritur në vendin e aksidentit dhe ka identifikuar autorin vetëm pak minuta më pas, raporton Shqiptarja.
Trupat e pajetë janë dërguar në morg, ndërsa hetuesit dhe policia po marrin masa të shpejta për të ndaluar autorin, që ka përfituar nga errësira për t'u larguar.
