Një aksident i rëndë me pasojë një të vdekur ka ndodhur në aksin rrugor Kukës- Morinë.
Ngjarja e rëndë ka ndodhur pak pas mesditës së sotme në Kalimash, ndërsa mësohet se si pasojë e tij kanë mbetur të plagosur edhe dy persona, të identifikuar si Majlind Tirollari dhe Dalip Marku.
Viktima e këtij aksidenti i cili gjeti vdekjen e menjëhershme është 61 vjeçari Naim Toska, nga Shkodra.
Nuk dihet ende dinamika e ngjarjes, ndërsa paraprakisht thuhet se një kamion me targa DR1368 E është përplasur me trafikndarësen, ndërsa ishte i ngarkuar me materiale ndërtimi.
Sakaq forca të shumta policie kanë mbërritur në vendin e aksidentit, ndërsa po punojnë për hedhjen dritë mbi gjithë sa ka ndodhur.
Ndërkohë mësohet se të dëmtuarit janë dërguar në spitalin e Kukësit, ku po marrin ndihmën e parë .