Nëntë pjesëtarët e grupit kriminal , të akuzuar për kontrabandë me qenie njerëzore janë dënuar dje në Beograd.
Gjykata ka vendosur t’i dënojë me 55 vjet e dy muaj burg, për shkak se në vitin 2009 kishin mbytur 15 emigrantë kosovarë në Lumin Tisa mes Serbisë dhe Hungarisë.
Shumica e viktimave ishin fëmijë, njofton agjencia e lajmeve “Presheva jonë”. Shqiptarët nga Kosova janë transferuar nga Kosova për në Konçul dhe më pas përmes Serbisë në Suboticë, ku ata janë fshehur ilegalisht nga kontrabandistët në shtëpi private .
Më vonë ata kanë provuar t’i transferojnë në Hungari mbi lumin Tisa në drejtim të vendkalimit kufitar Horgos dhe Kelebija. Tragjedia ndodhi më 14 shkurt të 09-ës.